Denis Zakaria është afrimi i fundit i Juventusit në merkaton e janarit. Mesfushori zvicerian dha një konferencë për shtyp për të bërë prezantimin si lojtar i Juventusit.
Çfarë ju shtyu të zgjidhni Juven?
Është një nga klubet që më ka bërë gjithmonë të ëndërroj. Vendosa se do të ishte mënyra e duhur për të vazhduar karrierën time.
A është qëllimi juaj i ardhshëm të shënoni më shumë gola?
Sigurisht që gjithmonë ka qenë synim rritja e numrit të golave. Meqenëse unë jam te Juventusi, kjo mund të jetë një mundësi e mirë për t’u bërë më efektiv në këtë kuptim.
Cila është ideja juaj për futbollin italian dhe Juventusin?
Një ide shumë e mirë, më bëri një përshtypje të jashtëzakonshme. Ata janë një ekip i fortë, me cilësi. Nëse më duhet të bëj një krahasim me Gjermaninë, për mua është një hap i madh përpara. Klubi është me cilësi të madhe.
Si do ta përshkruanit veten si lojtar?
Më pëlqen të luaj përpara, jam agresiv, më pëlqen të rikuperoj topa, të ndihmoj në rikuperim dhe mbrojtje. Mund ta përshkruaj veten si një lojtar i kompletuar.
A keni folur me Lichtisteiner përpara se të zgjidhnit Juven?
Jo, le të themi se përpara se të zgjidhja, nuk pata kohë të flisja me të. Nuk kishte asnjë mundësi, por jam i sigurt që mund të bëhet në të ardhmen.
Ju kërkuan skuadra të tjera?
Prisja të largohesha nga Borussia, por jo menjëherë. Të kërkohesh nga Juve nuk ndodh çdo ditë dhe shfrytëzova rastin, shpresoj të jem në gjendje të jap kontributin tim për ekipin.
Si ishte impakti i parë me ambientin e Juves?
Si me trajnerin dhe me shokët e mi, gjithçka ishte shumë fluide, ne u gjendëm mirë menjëherë. Atmosfera është gjithmonë e mirë dhe e qetë këtu. Unë kam një pozicion të natyrshëm në mes të fushës.
Mund të luani të dielën?
Fizikisht ndihem mirë, tashmë jam stërvitur dy herë. Nëse trajneri ka nevojë për mua, jam gati të dal sërish në fushë në raundin tjetër.
A keni një model?
Patrick Vieira. Ai është një lojtar që më ka pëlqyer gjithmonë, por unë jam Zakaria dhe përpiqem të jem vetvetja dhe të kem identitetin tim.
Keni folur me Allegrin?
Ne kemi pasur rastin të flasim. Ai më tha pak a shumë se çfarë pret nga unë, nëse duhet të filloj të mbyllem ose të zgjas ekipin, por ne nuk kemi diskutuar detajet.
Jeni krenar që jeni këtu?
Po shumë, ishte një ëndërr për mua. Babai im është tifoz i Juventusit, kështu që unë di shumë për këtë klub, do të përpiqem të bëj më të mirën për ta ndihmuar ekipin të përmirësohet.
A është Juve kulmi i karrierës suaj apo thjesht një fazë kalimtare?
Nuk ndalem me kaq, dua gjithmonë të përmirësohem. Sigurisht që është një hap shumë i rëndësishëm në karrierën time, por dua të bëhem më i fortë dhe më i mirë. Nëse shikoj nga e ardhmja, është një hap, jo fundi.
I frymëzuar nga Pogba?
Të gjithë e njohim Pogban, e dimë se çfarë bëri dhe u largua nga Juve. Shpresoj të kem të njëjtin sukses që pati, por unë kam identitetin tim. /oversport.tv
