Kryeministri Zoran Zaev dhe Komisioneri i Zgjerimit i BE-së Oliver Varhelyi janë takuar sot në Shkup. Zaev njoftoi se u bisedua për Planin e Investimeve Ekonomike dhe integrimin evropian të Maqedonisë së Veriut.
“Një nga temat e bisedës ishin përgatitjet që na paraprijnë për Samitin e ardhshëm të Ballkanit Perëndimor në Slloveni javën e ardhshme, ku do të kemi një hapësirë të madhe për diskutim të përbashkët. Rruga evropiane është e rëndësishme për të dyja palët, si për Maqedoninë e Veriut ashtu edhe për BE-në, dhe ne jemi të përkushtuar ndaj atij procesi”, shkruan Zaev në “Twitter” për takimin me Varhelyi.
Varhelyi ishte në Bullgari javën e kaluar, ku diskutoi kapërcimin e bllokadës bullgare për fillimin e negociatave të Maqedonisë me BE. Derisa të zgjidhet ky mosmarrëveshje, nuk ka nisje të negociatave për vendin.