Katër vjet e gjysmë burgim.
Kaq është dënuar një 37-vjeçar me shtetësi të dyfishtë kosovare dhe serbe.
Ai, në vitin 2020, kishte vjedhur piktura të Pablo Picassos në Zvicër.
Rasti kishte ndodhur në shtëpinë e një pensionisti 80-vjeçar në Weinfeld TG.
Shuma totale e gjërave të vjedhura kapte vlerën e 75 mijë frangave zvicerane apo (77 mijë eurosh), në mesin e tyre ishin edhe dy piktura të Picassos, që në treg kapnin vlerën e 50 mijë frangave apo mbi (51 mijë eurosh), shkruajnë mediat zvicerane, përcjell Klankosova.tv.
Burri nga Kosova u kap nga policia në vitin 2021, për një vjedhje tjetër që kishte bërë.
Ai ka deklaruar se i kishte shitur pikturat me një çmim prej 150 eurosh.
“Ishin false, i kam shitur në treg për 150 euro”, deklaroi ai para gjykatës.
Tutje ai deklaroi se nuk kishte dashur ta lëndonte të moshuarin.
37-vjeçari tregoi se shumën e parave të vjedhura e kishte humbur duke luajtur poker.
Avokati i kosovarit ka kërkuar lirim me kusht të klientit të tij.
Por, gjykata ka vendosur ndryshe, duke e dënuar me katër vjet e gjysmë burrin nga Kosova.
Po ashtu ai u dëbua nga Zvicra për 10 vjet.
Kosovari duhet të paguajë edhe shpenzimet e gjyqit dhe një dëmshpërblim prej 25 mijë e 680 frangash për gjërat e vjedhura, përcjell Klankosova.tv.
Rrini të informuar mbi zhvillimet kryesore duke u bërë pjesë e komunitetit tonë në Viber.
