Sipas VMRO-së, dëgjueshmëria e Pendarovskit ndaj dy partnerëve në pushtet, Ahmetit dhe Kovaçevskit, shkon deri aty sa, këta të fundit mund t’i japin urdhër që presidenti t’i kundërshtojë edhe qëndrimet e veta.
“Pendarovski është i zbehtë dhe i panjohur në çdo shfaqje, gjithçka që ka thënë e ka mohuar më pas, pikëpamjet e tij qëndrojnë derisa të arrijnë në veshët e shefave të tij Kovacevski dhe Ahmeti. Pendarovski është njeriu që me shpejtësi i nënshkroi ndryshimet në Kodin Penal sikur nga kjo të varej mbijetesa e botës”, thonë nga VMRO-DPMNE.
Sipas kësaj partie, Pendarovski nuk ka pasur guxim t’i thotë jo autoriteteve kriminale.
