Vjen edhe ndalesa e parë e Juventusit në kampionat, pasi bardhezinjtë nuk arrijnë të marrin më shumë se një pikë në “Ferraris” përballë vendasve të Sampdorias, në sfidën e fundit të javës së dytë të Serie A.
Mbyllet 0-0 një sfidë e luftuar, por që nuk është dominuar nga skuadra e Allegrit, që nuk arrin të ruajë hapin e skuadrave kryesuese të Serie A.
Sampdoria luan më mirë në pjesën e parë dhe I afrohet golit me Leris, që godet traversën. Juve përgjigjet me Cuadradon, por gjuajtja e tij ndalet nga Audero. Vlahovic rrezikon të shënojë autogol, pasi godet shtyllën e portës bardhezi.
Në pjesën e dytë bardhezinjtë mundohen të reagojnë, madje shënojnë me Rabiot, por goli anulohet për pozicion jashtë loje të Vlahovic.
Mbyllet 0-0 sfida, me Juventusin që tregon se ka akoma shumë gjëra për të përmirësuar për tu kthyer në majë. Oversport. Tv
