Po vazhdonë rritja e personave të infektuar me Kovid 19, ku për 3 ditë nga 2.631 teste të kryera. Janë regjistruar 1,171 raste të reja pozitive me Kovid 19, ndërsa 390 pacientë janë shëruar, ndërkaq 3 persona kanë humbur jetën.
Nga Instituti i Shëndetit Publik njoftojnë se nga 1171 rasteve të reja , janë regjistruar 275 riinfeksione dhe pjesa më e madhe e të infektuarve vazhdon të jenë në kryeqytet.
Ndërkaq, Ministri i Shëndetësisë Bekim Sali në televizionin Sitel, ka deklaruar se për çdo ditë rrisin kapacitetet e testimit për COVID-19. I pari i Shëndetësisë theksoi se çdo ditë e ndjekin numrin e personave për testim për COVID-19 në institucionet publike dhe ashtu siç është nevoja ata rrisin kapacitetin e testimit. Sali tha se nuk sheh ndonjë arsye për mosrealizim të planit për pesë ambulancat për kovid të paralajmëruara në territorin e Shkupit, për çka thotë se janë në komunikim me të gjithë mjekët.
BEKIM SALI-MINISTËR I SHËNDETËSISË
“Në momentin kur do të arrijmë në fazën të kemi nevojë të aktivizimit të atyre kovid ambulantave si sistem jemi të gatshëm për ato pesë në fazën e parë në nivel të Shkupit, lokacionet dihen… Këtu do të kemi testim të shpejtë menjëherë, pa caktuar termin, laborator dhe eventualisht udhëzim të shpejtë menjëherë për rëntgen në mushkëri nëse e kërkon pasqyra klinike”.
Ministri Bekim Sali, bën thirrje për të gjithë qytetarët, që nësë vërejnë ndonjë simptom, të kryejnë testet, fillimisht me teste të shpejta e pastaj edhe PCR-testin.
Përndryshe, edhe përkundër të rritjeve të numrave me të infektuar me Kovid 19, në Maqedoninë e Veriut nuk është vendosur asnjë masë e re, nga ana e Komisionit për Sëmundjeve Ngjitëse.
Samir Mustafa /SHENJA/