Myrto Uzuni rikthehet te goli pas katër ndeshjesh në LaLiga 2. Sulmuesi i kombëtares realizoi golin numër 21 në këtë sezon teksa shënoi të dytin për Grandaën në ndeshjen që këta të fundit po luajnë në shtëpi ndaj Las Palmas.
Në minutën e 41-të, 27-vjeçari u shkëput bukur nga mbrojtësit kundërshtarë teksa ishte i pakapshëm duke shfrytëzuar shpejtësinë që e karakterizon.
Në duelin një për një me portierin kundërshtar, Uzuni nuk fali dhe tundi rrjetën e kundërshtarëve.
Në këtë formë, Uzuni konfirmon sezonin më të mirë në karrierë teksa Granada e udhëhequr nga shqiptari është pranë rikthimit në elitën spanjolle.
Nëse ia del të ruajë deri në fund fitoren, Granada do të renditej në vendin e dytë me 64 pikë duke parakaluar në klasifikim pikërisht Las Palmas.
Top Channel
