Brenda një dite janë shitur të gjitha biletat që Roma ka nxjerrë në shitje për ndeshjen e kthimit të gjysmëfinaleve të Conference League, që do të luhet kundër Leicesterit në “Olimpico” në 5 maj.
Sipas asaj që shkruan “La Gazzetta dello Sport”, kjo është hera e 11-të në këtë sezon që skuadra verdhekuqe mbush stadiumin plot e përplot.
Tifozët i qëndrojnë pranë skuadrës dhe kjo kuptohet dhe nga fakti se për këtë takim kishte 130 mijë kërkesa për bileta. Nëse plotësoheshin të gjitha duheshin 2 stadiume, prandaj më shumë se 60 mijë tifozë nuk kanë mundësi që të shohin nga afër gjysmëfinalet.
Janë shitur edhe 1600 biletat e rezervuara për Romën për ndeshjen e parë në Angli, që verdhekuqtë do të luajnë në Leicester në 28 prill. / Oversport.tv
Foto: AS Roma Twitter
🟨 Roma-Leicester City è SOLD OUT! 🟥
🏟️ Sempre al nostro fianco 🐺
Grazie a tutti i tifosi giallorossi per l’ennesima dimostrazione di amore 💛❤️#ASRoma | #UECL pic.twitter.com/4JvRfaPkgP
— AS Roma (@OfficialASRoma) April 21, 2022
