BERLIN, 6 prill /ATSH-DPA/ Mbi 10 ndërtesa të larta janë shkatërruar nga zjarri i artilerisë ruse në qytetin lindor të Ukrainës, Severodonetsk, njoftuan sot zyrtarët rajonalë.
“Pesë rezidenca private, një shkollë, një qendër tregtare dhe disa garazhe u goditën gjithashtu”, tha mbrojtja civile e rajonit të Luhanskut.
Guvernatori i Luhanskut dhe qeveria në Kiev po u bëjnë thirrje banorëve që të paketojnë sendet e tyre dhe të ikin përpara një sulmi të mundshëm rus në shkallë të gjerë.
Zëvendëskryeministrja Iryna Vereshchuk tha se hekurudha ukrainase transportoi sot disa mijëra banorë nga zonat e kërcënuara në perëndim të vendit. //a.i/
