Kundër tre personave fizik dhe një personi juridik Prokuroria Publike ka ngritur aktakuzë për zjarrin në spitalin modular në Tetovë ku në mënyrë tragjike jetën e humbën 14 persona.
Se cilët janë personat fizik dhe ai juridik për momentin nuk zbulohen nga Prokuroria e Tetovës. Por ajo që dihet është vepra për të cilën do të ndiqen penalisht.
I akuzuari i parë dhe i dytë, siç thonë nga PTHP Tetovë, akuzohen se kanë bërë nga një vepër për të rëndë penale kundër sigurisë së përgjithshme, ndërsa i akuzuari i tretë për mos veprim sipas rregullave shëndetësore gjatë kohës së pandemisë.
Personi juridik, nga ana tjetër ndiqet penalisht për të dy veprat: shkaktim të rrezikut të përgjithshëm dhe mos veprim sipas rregullave shëndetësore gjatë kohës së epidemisë. /SHENJA/
