TOKIO, 29 janar /ATSH-DPA/ – Pas shumë shteteve perëndimore, Japonia gjithashtu ka pezulluar përkohësisht pagesat për Agjencinë e Kombeve të Bashkuara për Ndihmën dhe Punët për Refugjatët Palestinë (UNRWA).
“Mbështetja financiare nuk do të vazhdojë për momentin”, tha Ministria e Jashtme japoneze në një deklaratë.
UNRWA punon për të ofruar ndihmë humanitare në territoret palestineze. Por, Japonia është jashtëzakonisht e shqetësuar për përfshirjen e pretenduar të punonjësve të UNRWA në sulmin terrorist ndaj Izraelit më 7 tetor.
Disa vende, duke përfshirë Shtetet e Bashkuara të Amerikës, Gjermaninë dhe Francën, kanë pezulluar më parë pagesat e tyre ndaj agjencisë.
Dymbëdhjetë punonjës të agjencisë së ndihmës së OKB-së dyshohet se janë përfshirë në sulmin e madh kundër Izraelit nga organizata terroriste islamike Hamas më 7 tetor.
Rreth 1200 persona u vranë në sulm dhe 250 të tjerë u morën peng në Rripin e Gazës.//a.i./