Milani ka arritur marrëveshjen përfundimtare me Chelsea në lidhje me shërbimet e Christian Pulisic.
24-vjeçari amerikan ka arritur prej ditësh akordin me kuqezinjtë, madje ka refuzuar gjithë propozimet e tjera me misionin për të luajtur në “San Siro”.
Mesfushori i avancuar, i cili luan edhe si sulmuesi i djathtë, por jo vetëm, ushtroi “presion” te Chelsea që të pranonte ofertën e Milanit.
Dhe kështu ka ndodhur, edhe falë raporteve shumë të mira midis klubeve. Që gjatë viteve të fundit kanë realizuar disa operacione merkatoje.
Gjuha e përbashkët është arritur mbi bazën e 20 milionë eurove + bonuse. Dhe tani pritet vetëm zyrtarizimi.
Pulisic shndërrohet në përforcimin e katërt për skuadrën e Stefano Piolit. Pas portierit Sportiello, mesfushorit Loftus-Cheek dhe sulmuesit Romero./ Shqip
Top Channel