Pas një muaji pa fitore, në Ballsh presin kthesën. Pavarësisht lojës pozitive dhe rasteve që ka krijuar skuadra e Bellait, statistikat janë ato që ftohin situatën. 4 humbje radhazi në muajin tetor janë një tregues i qartë që ndaj Teutës duhen patjetër 3 pikët. Mallakastriotët do të bazohen te faktori fushë për t’u rikthyer te rezultatet pozitive.
Humbja ndaj Kastriotit duhet harruar sa më shpejt sepse në këtë sfidë, ekipi nuk u paraqit zi zakonisht. Lajmet e mira janë rikthimi i Lajthias dhe Kamara, të cilat i japin mundësi zgjedhjeje trajnerit të Bylisit.
Por përballë do të ketë një klient të vështirë, i cili gjithashtu është i etur për pikë dhe kërkon të dalë nga gjumi letargjik i dy ndeshje të fundit. Teuta e Shkëmbit kërkon ta kthejë në grindë dhe forcë humbjen e fundit ndaj Laçit, ku shpërdoroi dhe një 11-metërsh në minutat e fundit.
Durrsakët shkojnë me motivim dhe me historinë me vete, pasi në 5 sfidat e fundit me Bylisin nuk njohin humbje. Kanë fituar 2 ndeshje dhe 3 të tjerat kanë përfunduar në barazim. /oversport.tv
