TEL AVIV, 2 mars /ATSH-DPA/ – Ushtria izraelite deklaroi se ka goditur një makinë që transportonte anëtarë të milicisë Hezbollah të mbështetur nga Irani në Libanin jugor.
“Këtë mëngjes, aeroplanët e ushtrisë sulmuan një automjet në Libanin jugor që mbante disa terroristë që po gjuanin me raketa në territorin izraelit’’, theksuan Forcat e Mbrojtjes të Izraelit (IDF).
Për më tepër, avionët luftarakë sulmuan “infrastrukturën terroriste” të Hezbollahut në zonën e Labuneh dhe, gjatë natës, dy baza ushtarake të Hezbollahut pranë qytetit Blida.
Hezbollahu tha se gjashtë anëtarë të saj u vranë në sulmet izraelite. Milicia raportoi gjithashtu hapjen e zjarrit në një kazermë izraelite pranë qytetit Liman dhe mbi ushtarët izraelitë pranë kufirit.
Fillimisht nuk pati raportime për viktima të mundshme në Izrael. Fillimisht nuk ishte e mundur të verifikohej në mënyrë të pavarur informacioni i dhënë nga të dyja palët.
Që nga fillimi i luftës ka pasur incidente të përsëritura të bombardimeve të ndërsjella në rajonin kufitar izraelito-libanez. /os/
