Përplasja e papritur diplomatike midis Ukrainës dhe NATO-s ka bërë bujë në arenën ndërkombëtare, ndërsa shefi i shtabit të Jens Stoltenberg, Stian Jenssen sugjeroi se Ukraina mund të duhet të heqë dorë nga një pjesë e territoreve të saj në këmbim të anëtarësimit në NATO.
Kievi e konsideroi idenë “qesharake” dhe “absolutisht të pranueshme”. Mesazhe këto që u pasuan nga një deklaratë të menjëhershme paniku të Aleancës, e cila për mediat ukrainase sqaroi se nuk ka ndryshuar qëndrimin e saj në mbështetje të integritetit territorial të Ukrainës.
Nga ana tjetër vetë Jenssen, në një intervistë për gazetën norvegjeze VG këtë pasdite, ka kërkuar falje për përplasjen diplomatike.
Jenssen tha se komenti i tij “ishte pjesë e një diskutimi më të gjerë rreth skenarëve të mundshëm të ardhshëm në Ukrainë”, dhe se ai nuk duhej ta kishte thënë në atë mënyrë.
“Ishte nje gabim”- tha ai.
“Nëse, dhe e theksova nëse, arrini në pikën ku mund të negocioni, situata ushtarake në terren do të jetë absolutisht qendrore dhe do të ketë një ndikim vendimtar se si do të duket një rezultat i mundshëm i kësaj lufte”- vijoi Jenssen.
Zyrtari i NATO-s tha se përparësia mbetet mbështetja e Ukrainës.
“Në shpërthimin e luftës ekzistonte një shqetësim se Ukraina mund të shembet brenda javëve dhe ditëve. Nuk ka ndodhur fare, kanë treguar një përpjekje heroike kundër pushtetit superior. Tani shtrohet pyetja se sa territore mund të rimarrë Ukraina”- përfundoi numri dy i NATO-s.
Top Channel
