Gjykata Supreme e ka refuzuar si të pabazuar kërkesën e mbrojtjes së kryeshefit të KEK-ut, Nagip Krasniqi, për t’i hedhur poshtë vendimet e Gjykatës Themelore dhe asaj të Apelit.
Kjo, sipas Supremes, është refuzuar për shkak të veprave penale, atë të keqpërdorimit të pozitës apo autoritetit zyrtar, ushtrimit të ndikimit dhe konflikti të interesit.
“Në çështjen penale ndaj të pandehurit N.K., për shkak të veprave penale: keqpërdorimi i pozitës apo autoritetit zyrtar, ushtrimi i ndikimit, keqpërdorimi i pozitës apo autoritetit zyrtar, konflikti i interesit, duke vendosur përkitazi me kërkesën për mbrojtje të ligjshmërisë të mbrojtësve të pandehurit, avokatët Virtyt Ibrahimaga dhe Taulant Ferizi, në seancën e mbajtur më datë 16.05.2023, kolegji i Gjykatës Supreme vendosi për refuzimin e kësaj kërkese”, thuhet në njoftimin e Supremes, transmeton Klankosova.tv.
Me këtë vendim të Supremes, kryeshefi i KEK-ut mbetet në paraburgim.
*Klikoni KËTU për t’u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS
