Një student i dhënë pas veshjeve ushtarake ka zgjedhur një uniformë SS në festën e Halloween. Ngjarja ka ndodhur në Padova në Shkollën Ndërkombëtare Angleze, ku studenti u shfaq i veshur me uniformën e Wehrmacht-it të kompletuar me një svastikë naziste.
Sikur të mos mjaftonte kaq ai u vlerësua, në fakt, si “kostumi më i mirë i mbrëmjes”.
Prindërit dhe nxënësit e tronditur raportuan episodin duke dërguar email në shkollë dhe komunitetin hebre, raporton La Repubblica.
Për këtë episod janë informuar edhe Ministri i Arsimit, Giuseppe Valditara, presidentit Luca Zaia dhe presidenti i komuniteteve hebreje italiane, Noemi Di Segni.
“Ne mësojmë për këtë episod, – lexojmë në letrën e nënshkruar nga Dario Calimani, president i komunitetit hebre të Venecias dhe Gianni Parenzo, president i komunitetit hebre të Padovës – na duket e tepërt të theksojmë seriozitetin e sjelljeve të ngjashme në kontekstin e një institucioni arsimor. Më tej na vjen keq për faktin që studenti u shpërblye për origjinalitetin e kostumit, duke legjitimuar kështu mesazhin e trishtë që transmeton kjo uniformë dhe për të cilin historia ka qenë dëshmitar tragjik”.
Shkolla u përpoq menjëherë të kthente situatën me familjet dhe nxënësit.
“Të dashur prindër,- shkroi ai- po ju shkruajmë për t’ju informuar për një incident fatkeq që ka ndodhur gjatë festës së Halloween. Një student kishte veshur një uniformë gjermane me një simbol fyes. Ne duam të kërkojmë falje për atë që ndodhi. Për fat të keq, serioziteti i situatës nuk ishte menjëherë i qartë për ne. Ne mendojmë se është e përshtatshme të sqarojmë se nuk ishte absolutisht qëllimi i shkollës apo i stafit të saj të lejonte ose promovonte një simbol të tillë fyes”.
Top Channel
