Thomas Strakosha është kthyer sot të luajë përsëri një ndeshje me fanellën e Brentford pas dy muajsh në stol me klubin anglez. Por në fund, futbollisti i Kombëtares kuqezi nuk ka festuar dot në ndeshjen e Kupës FA ndaj Ullvërhempton, pasi sfida duhet të riluhet.
Brentford priste në fushën e vet skuadrën tjetër të Premier Ligës me Strakoshën që luante titullar në këtë duel në një ndeshje ku dukej se gjithçka po shkonte mirë për ekipin e tij. Gomes i miqve u ndëshkua me karton të kuq që në minutën e 9 të ndeshjes dhe në fundin e pjesës së parë ishte Mupaj i cili shënoi golin e avantazhit për skuadrën e portierit shqiptar,
Por Ullvërhempton gjeti forcën që në pjesën e dytë të reagonte dhe falë Dojl barazoi shifrat në minutën e 64-t. Ndeshja u mbyll me shifrat 1-1 dhe sipas rregullores së turneut më të vjetër futbollistik në botë, në rast barazimi, sfidat e Kupës FA duhet të përsëriten, këtë radhë në fushën e ekipit kundërshtar.
PANORAMASPORT.AL
