BERLIN, 9 mars /ATSH-DPA/ – Qytetarët gjermanë janë shprehur të pakënaqur me politikën e kancelarit Olaf Scholz lidhur me konfliktin Rusi- Ukrainë, sipas një sondazhi të ri.
Nga personat e pyetur, 45% thanë se ishin të kënaqur me të.
Vlerësimi u nda nga shumica e mbështetësve të Partisë Socialdemokrate (SPD) të Scholz dhe partnerëve të tij të koalicionit, të Gjelbërit dhe Demokratët e Lirë (FDP) dhe gjithashtu partia e majtë Die Linke.
Sipas sondazhit, 46% e të anketuarve thanë se Scholz po bën një punë të dobët në konfliktin Rusi-Ukrainë.
Studimi u krye nga Grupi i Kërkimeve Zgjedhore (Forschungsgruppe Wahlen), Instituti për Analizë Zgjedhore dhe Vëzhgim Social, një shoqatë e krijuar në 1974.
Gjithsej, nga data 5 deri më 7 mars u anketuan 1 260 persona. Anketa është përfaqësuese e popullatës votuese.
Krahas konfliktit të Ukrainës, qytetarët janë më të pakënaqur me punën e kancelarit në përgjithësi, me vetëm një të tretën e të anketuarve, 33% që e vlerësojnë performancën e tij si të mirë, ndërsa 62% e vlerësojnë atë si të dobët.
Shumica e të anketuarve ka kundërshtuar sërish që Gjermania të furnizojë Ukrainën me raketa “Taurus”, 59% ishin kundër dhe 34% pro.
Këto shifra janë të ngjashme me dy sondazhe të tjera të publikuara së fundmi nga “ARD Deutschlandtrend” dhe një sondazh i kryer nga instituti i kërkimit të opinionit “YouGov”.//a.i
