UASHINGTON, 28 janar /ATSH-DPA/- Sipas të dhënave të publikuara nga Universiteti i Miçiganit, sentimenti i konsumatorit në Shtetet e Bashkuara u përkeqësua më shumë sesa ishte vlerësuar fillimisht në muajin janar.
Raporti tregoi se indeksi i sentimentit të konsumatorit për muajin janar u rishikua në rënie në 67.2 nga një lexim paraprak prej 68.8. Ekonomistët kishin pritur një rënie prej 68.7.
Me rishikimin në rënie, në dhjetor indeksi i sentimentit të konsumatorit ishte 70.6, duke rënë në nivelin më të ulët krahasuar me 93.7 në nëntor 2011.
“Megjithëse shqetësimi i tyre kryesor është rritja e inflacionit dhe rënia e të ardhurave reale, konsumatorët mund të keqinterpretojnë lëvizjet e politikës së Fed për të ngadalësuar ekonominë si pjesë të problemit dhe jo si pjesë të zgjidhjes,” tha kryeekonomisti i “Surveys of Consumers”, Richard Curtin.
Ai shtoi se “rreziku është që konsumatorët mund të reagojnë ndaj këtyre shtytjeve të vogla, veçanërisht duke pasur parasysh pasiguritë rreth koronavirusit dhe rreziqeve të tjera gjeopolitike në rritje”.
“Raporti tregoi se në janar, indeksi i pritshmërive të konsumatorëve ra në 64.1 krahasuar me 68.3 në dhjetor, ndërsa indeksi i kushteve aktuale ekonomike ra në 72.0 nga 74.2.//a.i/
