UASHINGTON, 12 nëntor /ATSH-AFP/ – Një senator demokrat është rizgjedhur në Arizona, tha media duke e lënë partinë e presidentit Joe Biden vetëm një vend larg mbajtjes së shumicës në Senat.
”Ish-astronauti, Mark Kelly mundi kundërshtarin e tij republikan, Blake Masters në këtë shtet jugperëndimor të vendit”, thanë të paktën tre kanale televizive.
Fitorja e tij e çon numrin e senatorëve demokratë në 49.
Dy mandate mbeten ende për t’u plotësuar.
Në Nevada, ku numërimi vazhdon dhe në Xhorxhia, ku raundi i dytë është planifikuar për më 6 dhjetor.
Nëse të dy partitë do të përfundonin me 50 vende secila dhe për këtë arsye do të ruanin status quo-në, demokratët do të ruanin kontrollin e Senatit, falë votës së zëvendëspresidentes, Kamala Harris.
Blake Masters, kandidati i mundur në Arizona, ende nuk e ka njohur humbjen.
Disa ditë pas votimeve, edhe kontrolli i Kongresit mbetet i pasigurt./ a.jor.
