Marina Vjollca është një nga moderatoret më të njohura dhe më të dashura për publikun shqiptar. Prej më shumë se një dekade, ajo është pjesë e ekranit dhe në qendër të mediave rozë dhe opinionit publik.
E për këtë arsye, moderatorja është e komentuar shpeshherë jo vetëm për jetën e saj personale dhe profesionale, por edhe për operacionet dhe ndërhyrjet e ndryshme estetike.
Së fundmi Marina Vjollca ka zhvilluar një bisedë virtuale me ndjekësit ku njëri prej tyre e ka pyetur nëse ka operacione plastike. Marina është përgjigjur se operacione plastike nuk ka asnjë, ndërsa ndërhyrje ka vetëm një dhe janë dhëmbët.
“Asnjë! Dhe e di që s’besojnë. E vetmja ndërhyrje, janë dhëmbët”, shkruan Marina Vjollca në përgjigjen e saj në rrjete sociale.