MOSKË, 6 shkurt /ATSH/- Rënia e të ardhurave nga energjia dhe rritja e shpenzimeve e shtynë buxhetin federal të Rusisë në një deficit prej 1.76 trilion rubla (24.78 miliardë dollarë) në janar, pasi sanksionet dhe kostoja e operacionit ushtarak të Moskës në Ukrainë zvogëluan perspektivat e ekonomisë.
Duke cituar të dhënat paraprake, Ministria ruse e Financave tha se në janar, të ardhurat nga nafta dhe gazi ishin 46,4% më të ulëta (426 miliardë rubla) krahasuar me të njëjtin muaj të vitit të kaluar, si rezultat i vëllimeve më të ulëta të eksporteve të gazit natyror.
Në përgjithësi, të ardhurat buxhetore për muajin ranë me 35,1%, ndërsa shpenzimet ishin 58,7% më të larta në janar 2023, (3.12 trilion rubla), më shumë se 10% e planit të shpenzimeve të plota.
Moska mbështetet në të ardhurat nga nafta dhe gazi, (rreth 11.6 trilion rubla vitin e kaluar), për të financuar shpenzimet e saj buxhetore dhe është detyruar të fillojë të shesë rezervat ndërkombëtare të FX për të mbuluar deficitin i krijuar nga kostoja e konfliktit në Ukrainë.//a.i/
