SHEN PETERSBURG, 17 qershor /ATSH-ANSA/ – Fjalimi i presidentit rus Vladimir Putin në Forumin Ekonomik Ndërkombëtar të Shën Petersburgut (SPIEF) është shtyrë me një orë “për shkak të një sulmi kibernetik në faqen e internetit të forumit, deklaroi zëdhënësi i Kremlinit, Dmitry Peskov.
“SHBA mendon se është e vetmja qendër në botë”, deklaroi presidenti rus Vladimir Putin.
“Perëndimi minon qëllimisht themelet ndërkombëtare në emër të iluzioneve të tyre gjeopolitike”, saktësoi presidenti rus, por “epoka e rendit botëror unipolar ka marrë fund, pavarësisht të gjitha përpjekjeve për ta ruajtur atë me çdo mjet”.
Sanksionet kundër Rusisë “janë marrëzi dhe të pamatur, qëllimi i tyre është të shtypin ekonominë e Federatës Ruse, por ato nuk kanë funksionuar”, theksoi Putin në fjalimin e tij në Spief në Shën Petersburg.
”Situata aktuale në Evropë do të çojë në një valë radikalizmi dhe përfundimisht në një ndryshim të elitës. Qëllimi aktual i rusofobisë përfaqëson një përpjekje për të izoluar dhe “zhdukur” një Rusi rebele ndaj Perëndimit”, shtoi ai. /os/
