Komiteti hetues shtetëror i Rusisë ka publikuar pamjet ajrore të asaj që thotë se është vendi i rrëzimit të Il-76.
Pamjet grafike tregojnë mbeturinat e avionit dhe ato që komiteti thotë se janë trupat e më shumë se 60 të burgosurve ukrainas të luftës, të cilët do të shkëmbeheshin me të burgosur rusë.
Videoja vinte në pah krahun e copëtuar të një personi, të paqartë, përveç një tatuazhi, si dhe një krah të prerë me tatuazhe.
Regjistruesit e fluturimit të avionit u gjetën dhe u dorëzuan në laboratorin e Moskës për analiza, njoftoi agjencia shtetërore e lajmeve Tass.
Komiteti Hetues akuzoi Ukrainën për sulmin e avionit me një raketë kundërajrore. Kievi nuk ka konfirmuar nëse ishte i përfshirë, apo nëse të burgosurit ishin në bord, por autoritetet kanë hedhur dyshime mbi numrin e të vdekurve, duke thënë se vetëm pesë trupa u dërguan në një morg lokal në Belgorod.
Zyrtarë të tjerë kanë sugjeruar se rrethanat e rrëzimit ishin një akt i qëllimshëm i Rusisë për të minuar mbështetjen perëndimore për Ukrainën dhe akuzuan agjentët e saj të sigurisë se u kishin thënë zyrtarëve të lartë rusë të mos hipnin në avion.
(kliko këtu për të parë videon)
Top Channel
