Lëndimi i rëndë në gju i David Alabas e ka shtyrë Real Madridin të kërkojë përforcime në janar.
Ata thuhet se ia kanë vënë sytë talentit të Atalantës, Giorgio Scalvinit. Alaba pësoi një dëmtim të ligamentit kryqëzor në minutën e 35-të të fitores 4-1 të Los Blancos ndaj Villarrealit të dielën në mbrëmje, një dëmtim që do ta mbajë jashtë fushës për pjesën tjetër të sezonit.
Kjo ka reduktuar më tej opsionet e Carlo Ancelottit në mbrojtje, me Eder Militao gjithashtu jashtë me një dwmtim të ligamentit të kryqëzuar.
Mungesa e opsioneve mund ta shtyjë presidentin e klubit Florentino Perez të investojë në afatin kalimtar të janarit për të sjellë një përforcim.
Siç raportohet nga AS, opsioni i parë i Real Madridit për të forcuar vijën e pasme në janar është Scalvini, i cili ka vazhduar të impresionojë në Atalanta që kur u fut në skuadër dy vjet më parë.
Qendërmbrojtësi 20-vjeçar, kontrata e të cilit në Bergamo skadon në qershor të vitit 2028, ka tërhequr gjithashtu vëmendjen e klubeve të tjera të mëdha në Evropë si Manchester City dhe Bayern Munich.
Opsionet e tjera të Real Madrid përfshijnë Antonio Silva e Benficas, i cili ka një klauzolë lirimi prej 100 milionë euro dhe Goncalo Inacio të Sporting Lisbonës, i cili do të kushtonte rreth 60-70 milionë euro.
