Ish-këshilltari i ish-presidentit Hashim Thaçi, Artan Behrami, ka reaguar pas lajmeve ndërkombëtare se çmimi i qymyrit është ngritur në 400 dollarë.
Për këtë,
ai ka thënë se e ka paralajmëruar tri ditë më parë kryeministrin e Kosovës,
Albin Kurti që të fillojë negocimin me shtetet për të eksportuar qymyrin e
Kosovës.
Përmes
një postimi në Facebook, Behrami ka thënë se në ditët e ardhshme ky çmim mund
të ngritet edhe më lart.
Ai i
ka rekomanduar kryeministrit Kurti që të veprojë, e jo sipas tij të kalkulojë
si në rastin me gazin amerikan.
“Tri ditë më parë i sugjerova kryeministrit Kurti që të fillojë negocimin me shtete evropiane për të eksportuar qymyrin e Kosovës. Sot, sipas mediave ndërkombëtare, çmimi i qymyrit është ngritur në 400 dollarë, derisa në ditët e ardhshme ky çmim mund të ngritet edhe më lart. Kryeministër, koha me vepru, e jo me kalkulu si në rastin e gazit amerikan”, ka shkruar Behrami.
