Eventi Razercon i këtij viti shfaqi disa surpriza për ata që e duan kompaninë e aksesorëve të kompjuterave dhe markat luksoze të stilit të jetesës. Razer ka bashkëpunuar me Lamborghini për të krijuar një laptop të përmirësuar Blade 16 që frymëzohet estetikisht nga prodhuesi i makinave sportive.
Laptopi krenohet me një trup të personalizuar me ngjyrë të zezë dhe portokalli që “është e mbushur me frymën e dizajnit të Lamborghini“. Dhe çmimi i këtij laptopi duket se është frymëzuar nga Lamborghini, pasi do të kushtojë $5,000. Dhe pjesë të tjera të Blade 16 i përshtaten Lamborghini-t, dhe trupi i cili është fromuar nga një bllok i vetëm alumini, duke shtuar qëndrueshmëri.
Dizajni në pjesën e jashtme i përngjan fenerëve të automjetit hibrid Lamborghini Revuelto të sapolançuar. Pra, tani ju mund të garoni me shpejtësi në autostradën e informacionit në kompjuterin tuaj Lambo ndërkohë që drejtoni një Lambo të vërtetë.
Për t’ju përshtatur shpejtësisë së lartë që karakterizon makinat sportive, Razer ka bërë disa përmirësime të rëndësishme në krahasim me laptopin Blade 16 të nivelit bazë. Ky është një edicion shumë i ri, me një procesor Intel Core i9 HX të gjeneratës së 13-të që mburret me 24 cores dhe 32 threads. Ai gjithashtu përmban një GPU GeForce 4090, një SSD 4 TB, 32 GB RAM DDR5 dhe një ekran mini-LED 4K 16 inç me modalitet të dyfishtë. Pavarësisht kostos, Razer Blade 16 x Automobili Lamborghini Edition mund të bëhet një artikull koleksionist një ditë, pasi kompania po prodhon vetëm 150 njësi.
Razer është bashkuar gjithashtu me ikonat e modës Dolce & Gabbana për të krijuar një version të zbukuruar me ar të kufjeve të tij të njohura pa tel Barracuda. Dizajni i firmës së markës së modës është aplikuar madje edhe në një karrige lojrash Razer Enki dhe një grup veshjesh për të festuar partneritetin, si kapuçët dhe bluzat.
