Konsumimi i një grusht arra, bajame dhe lajthi çdo ditë rrit prodhimin e spermës, sugjeron një studim i ri. Vetëm 60 gramë me këto fruta të thata çdo ditë rrit sasinë e materialit gjenetik mashkullor me 16%, ka zbuluar një studim spanjoll.
Këto fruta të thata rrisin gjithashtu shpejtësinë e lëvizjes së materialit gjenetik me 6%, vitalitetin me 4% dhe formën me 1%, të gjitha këto të lidhura me pjellorinë e mashkullit.
Infertiliteti prek rreth 11% gra dhe 9% burra në moshën riprodhuese në SHBA. Rreth 1 deri 7% e çifteve kanë vështirësi në ngjizjen e fëmijës në Britani.
Shkencëtarët mendojnë se ndotja e ajrit, duhanpirja dhe trendet e reja drejt dietës së stilit perëndimor po ndikojnë në shëndetin e materialit gjenetik mashkullor.
Shkencëtarët nga Universiteti Rovira Virgil, në Spanjë, monitoruan mbi 100 meshkuj të moshës 18-35 vjeç për 14 javë. Gjysma e tyre konsumonin një dietë tipike perëndimore, ndërsa pjesa tjetër konsumonin të njëjtat ushqime së bashku me një racion prej 60 gramë me arra, lajthi dhe bajame.
Si në fillim të studimit ashtu edhe në fund iu morën mostra të materialit gjenetik mashkullor dhe gjakut. Rezultatet sugjerojnë gjithashtu se një grusht fruta të thata në ditë ulin rrezikun e dëmtimit të ADN-së së materialit gjenetik mashkullor, që mund të shkaktojë infertilitet.
