Nga një dështim në hero. Futbolli është sporti që t’i dhuron shpesh ekstremet, por Herri Meguajër dhe Andre Onana ishin mbrëmë në pjesën e duhur të historisë.
Kamerunasi, i cili ndali penalltinë në minutën e 97-të të danezëve, që shmangu një tjetër ndalesë në Champions për “djajtë”, e menaxhoi me modesti këtë situatë, ndërsa tha për “TNT Sports”:
“Unë thjesht jam duke bërë detyrën time. Gjëja më e rëndësishme është të fitosh ndaj një skuadre të fortë. Jam shumë i lumtur për fitoren. Bëmë një ndeshje të mirë dhe shënuam një gol të madh nga Meguajër.
Ne jemi Mançester Junajtidi. Jemi një klub i madh, me lojtarë të mëdhenj. Është thjesht çështje kohe dhe duhet të vazhdojmë kështu. Nuk kam dyshime që do t’ia dalim”.
PANORAMASPORT.AL