TIRANË, 9 mars /ATSH/- Prania e forcave të NATO-s nuk është e paimagjinueshme, unë e vlerësoi presidentin francez Emmanuel Macron i cili nuk e përjashtoi këtë ide, tha ministri i Jashtëm i Polonisë, Radek Sikorski, sipas AP.
Deklarata e Sikorski erdhi dje gjatë një diskutimi me rastin e 25-vjetorit të pranimit të Polonisë në NATO në parlamentin polak.
Kongresi i SHBA-së ka pezulluar ndihmën që Ukraina thotë se është e rëndësishme për të mbajtur larg rusët, duke ushtruar më shumë presion mbi Evropën për t’iu përgjigjur luftës që ka shkatërruar paqen në kontinent.
Muajin e kaluar, presidenti francez Emmanuel Macron tha se nuk mund të përjashtohej mundësia e dërgimit të trupave perëndimore në Ukrainë, një deklaratë që theu një tabu midis aleatëve dhe nxiti një zemërim mes udhëheqësve të tjerë.
Zyrtarët francezë më vonë u përpoqën të sqaronin deklaratën e Macron duke këmbëngulur në nevojën për t’i dërguar një sinjal të qartë Rusisë se ajo nuk mund ta fitojë luftën e saj në Ukrainë.
Kremlini ka paralajmëruar se nëse NATO dërgon trupa luftarake, një konflikt i drejtpërdrejtë midis aleancës dhe Rusisë do të ishte i pashmangshëm.
Presidenti rus Vladimir Putin tha se një veprim i tillë do të rrezikonte një konflikt bërthamor global. //a.i/
