Vllaznia besoi deri në fund dhe arriti të merrte tre pikë shumë të rëndësishme në luftën për Europë pasi mposhti në shtëpi Kukësin me rezultatin 2-1. Pas sfidës e komentoi ndeshjen edhe trajneri i shkodranëve, Plori i cili foli për Supersport.
“Të them të drejtën goli në minutat e fundit të kënaq më shumë. Shija e Europës është aty. Është edhe mendja aty. Këto golat në minutën e fundit na kishin munguar. Të dyja këto rezultatet kanë ardhur në momentin e duhur. Kam qenë shumë i përgojuar. Më erdhi fitorja në momentin e duhur.
Sikur e ndjeva qëkur e thirra. Çoba ka hyrë pa nxehje fare. Që në momentin që i shkoi topi sikur e parandjeva që do të shënonte”.
LATIFI- “Latifi nuk ishte në gjendje. Në momentin kur u barazua rezultati ai e mori përsipër. Arsyeja pse e lashë në sulm, duke ditur se shpejtësia e tij do të më bënte punë. Në krahun e djathtë s’postova Heric se ishte më i freskët”.
ENTUZIAZMI- “Ne nuk mund të fitojmë për një arsye. Përpara portës nuk jemi cinik sa duhet. Marrëdhënia me portën ka lënë mangësi. Sot që na u dhanë rastet duhet të shënonim. Duke pasur dhe presionin e pikëve dhe ajo ka ndikuar. Ndikimi më i madh kanë qenë oraret e ndeshjeve. Orari sot të jep një natyrë më serioze. Automatikisht entuziazmi rritet”.
ÇOBA- “Çobën unë e kam aktivizuar pothuajse në të gjitha takimet. Klubi i ka sytë nga ai. Kot nuk e rinovuam kontratën. Çoba është gati dhe e ka treguar. Konkurrenca është e fortë. Gjithsesi shpresojmë te ai dhe e them me plotë gojën që Vllaznia dhe Shkodra do bazohen te ai”. /oversport.tv