PRESIDENTI PENDAROVSKI PUBLIKON FOTOGRAFI TË USHTARËVE
Presidenti Stevo Pendarovski, sic percjell KlanM, ka publikuar një fotografi të ushtarëve të Armatës së Maqedonisë së Veriut që kanë marrë pjesë në operacionin e shpëtimit të fëmiut 5-vjeçar nën rrënojat në qytetin turk Kahramanmarash.
“Këto janë pjesëtarët e Armatës sonë që bashkë me ekipet turke shpëtuan nën rrënojat Sulejmanin e vogël pas tërmeteve të fuqishme në Turqi” – ka shkruar Presidenti Pendarovski në Facebook.
Nga Shtatmadhoria e Armatës, sic percjell KlanM, mbrëmë njoftuan se ekipi I Armatës së RMV-së që është i angazhuar në qytetin Kahramanmarash ka ndihmuar në aksionin e suksesshëm për tërheqjen e 5-vjeçarit nga rrënojat.
Siç njoftohet, pas gjashtë orë pastrimi të rrënojave dhe katër orë tjera të operacionit të kërkim-shpëtimit kishin arritur ta nxjerrin të gjallë fëmiun 5-vjeçar.
