Vite të tëra pritje, akuza e trillime, teori konspirative dhe fantazma se FIFA po ndihmon Messin dhe një vorbull e madhe gjeopolitike. Pas vuajtjeve të shiritave bardheblu, fuqia e fortë, u kurorëzua në atmosferën e shkretëtirës.
Pas 64 ndeshjeve të Kupës së Botës Katar 2022, stadiumi Lusail ngriti në qiell dhe e bëri të përjetshëm futbollistin më të madh të historisë, Lionel Messi.
Kjo ishte finalja më e madhe dhe më e bukur e Kupës së Botës në histori.
Kjo ishte gjithashtu fitorja e tretë e Argjentinës në Kupën e Botës, e cila mundi Francën me penallti në fund, pas një barazimi të egër 3-3.
Për më tepër, ishte gjithashtu një lloj kurorëzimi me vonesë, për futbollistin më të madh të historisë së këtij sporti magjik, gjeniun 35-vjeçar Lionel Messi, 1 mijë ndeshje në karrierën e tij mahnitëse.
Ndeshja finale e Botërorit ishte një mbingarkesë emocionale, një lojë që dukej se ishte fituar nga Argjentina, të paktën katër herë gjatë 120 minutave, përpara se të përmbyllej përfundimisht me goditjen e fundit të penalltisë nga mbrojtësi argjentinas Montiel.
Kjo ndeshje supozohej që pa filluar se do të ishte një duel Messi-Mbappe, dhe ashtu ndodhi.
Mbappe shënoi hat-trickun e parë në një finale të Kupës së Botës që nga Geoff Hurst në 1966, kur Anglia fitoi përballë Gjermanisë Perëndimore, ndërsa Mbappe dje humbi, edhe pse ky futbollist i ka të gjitha mundësitë t’i tregojë botës se është një nga më të mëdhenjtë e futbollit.
E gjithë bota po flet për Messi e Mbappe por në këtë ndeshje një meritë të jashtëzakonshme kishte edhe portieri Emiliano Martinez që e mbajti në lojë Argjentinën në minutën e 123-të, gjithashtu ai priti edhe dy penallti. Kjo beri që ai të shpallej portieri më i mirë i Botërorit dhe pasi mori trofeun e vuri tek organet gjenitale, duke përforcuar edhe më shumë fabulën e ngritur për një pjesë të mirë të portierave, që e kanë “një dërrasë mangut”. Gjithsesi Martinez është një portier i madh.
Kjo ishte një histori e Messit, e treguar në shumë mënyra. Messi shënoi 7 gola në Katar 2022 dhe fitoi Topin e Artë si lojtari më i mirë. Ai luajti me disa nga futbollistët më të mëdhenj në botë. Të gjitha këto i bëri në moshën 35 vjeçare. Kjo nuk është normale!
Në një fazë do të fillojë të zgjerojë kufijtë e pabesueshmërisë që ky futbollist mund të mendojë, edhe për një Botëror tjetër në moshën 39 vjeçare.
Plus, ai është pjesë e historisë më ekstravagante sportive prej 7 miliardë dollarësh të shpenzuar.
Ndërsa Messit iu dha trofeu i Kupës së Botës, atij iu dorëzua një mantel për ta veshur nga emiri i Katarit, i cili është fansi i Messit po ashtu diktatori i Koresë së Veriut që e ftoi dje zyrtarisht Messin për një vizitë në vendin e tij.
Botërori i ardhshëm luhet ne SHBA-Kanada-Meksikë dhe do të jetë me 48 skuadra kombëtare. Deri në vitin 2026 duhet shumë kohë, kjo kohë shpresojë të shërbejë pozitivisht edhe për Kombëtaren tonë që të na përfaqësojë, dhe ne shqiptarët të kemi një motiv më shumë për te qenë krenar. /oversport.tv
