Mund të jetë shumë herët për të thënë nëse shpërthimi i fundit i lisë së majmunëve, i cili është përhapur në 24 vende me mbi 435 raste të konfirmuara, mund të çojë në një pandemi globale, ka thënë Organizata Botërore e Shëndetësisë (OBSH).
Organizata globale e shëndetit, megjithatë, vuri në dukje se ekziston një “dritare” e mundësisë për të frenuar rastet në rritje, raportoi CNBC.
Sipas OBSH-së, ka “ende shumë të panjohura” që lidhen me rastet në vendet jo-endemike jashtë Afrikës.
Organizata tha se virusi nuk duhet të ngatërrohet me Covid-19 dhe se rreziqet për publikun e gjerë mbeten të ulëta, thuhet në raport.
“Ne nuk duam që njerëzit të kapen nga paniku ose të kenë frikë dhe të mendojnë se është si Covid ose ndoshta më keq,” tha Sylvie Briand, drejtoresha e përgatitjes dhe parandalimit të pandemisë në OBSH, gjatë një konference për shpërthimin.
Rruga Press
