Agjencia e OKB-së për refugjatët për palestinezët ka thënë se nuk ka asnjë agjenci tjetër që është në gjendje t’i përgjigjet nevojave humanitare në Gaza në shkallën e UNRWA-s.
UNRWA drejton më shumë se 150 strehimore dhe ka të paktën 3,000 staf të punës në Gaza, tha agjencia në një postim në X, duke shtuar se:“Ne jemi shtylla kurrizore e përgjigjes humanitare.”
“Me mbi dy milionë njerëz në nevojë urgjente për ndihmë humanitare në Gaza, asnjë agjenci tjetër nuk është në gjendje të përgjigjet në të njëjtën shkallë”, shtoi ai.
Disa vende tërhoqën mbështetjen e tyre financiare nga UNRWA pas akuzave izraelite që pretendonin se disa staf morën pjesë në sulmet e 7 tetorit nga Hamasi në Izraelin jugor.
Disa nga vendet që kishin ndërprerë më parë financimin e UNRWA-s, si Suedia dhe Kanadaja, kohët e fundit njoftuan vendimin e tyre për të rifilluar financimin e agjencisë së OKB-së.
Top Channel
