Një ngjarje e rëndë ka tronditur botën e futbollit. Ish-futbollisti i Bolivisë, Serxhio Jauregui është qëlluar për vdekje teksa ishte duke luajtur ndeshje miqësore në Meksikë.
38-vjeçari, është qëlluar gjashtë herë nga një person i panjohur, gjatë një ndeshje në Santa Ines, lagje e Cuautlas në Morelos.
Ai ishte duke dalë jashtë vijave të bardha për t’u freskuar, derisa një person i është afruar dhe e ka qëlluar nga afër, plot 6 herë.
Vrasësi është larguar nga vendi i ngjarjes me motor. Jauregui ishte pensionuar nga futbolli aktiv në vitin 2015, ndërsa ka luajtur në 13 ndeshje për kombëtaren e tij.
Pak minuta pas sulmit, shërbimet e urgjencës dhe ambulancat mbërritën por për fat të keq ai ndërroi jetë.
