Që nga shtatori, policia austriake ka konfiskuar 29 certifikata të testimit të PCR të falsifikuara, në Aeroportin ndërkombëtar të Vjenës. Shumica e pasagjerëve me falsifikimet kishin ardhur në Vjenë nga Shqipëria.
Një fushë e re biznesi është hapur për mashtruesit në pandemi: tregtimi i certifikatave të testimit të falsifikuara të PCR. Policia në Aeroportin e Vjenës -Schëechat po intensifikon kontrollet e tyre dhe që nga fillimi i shtatorit ka siguruar 29 teste false PCR, sipas Ministrisë së Brendshme, transmeton portali Shtegu. Në pjesën më të madhe, pronarët e certifikatave të rreme mbërritën në Schëechat me fluturime nga kryeqyteti shqiptar Tiranë.
20 shtetas shqiptarë u kthyen në vendin e tyre pas depozitimit të një depozite sigurie. Ata deklaruan se para fillimit të udhëtimit kishin marrë certifikatat e rreme në internet.
Dy shtetas serbë me certifikata kosovare që kishin hyrë nga Tirana u denoncuan raportuan në gjendje të lirë, si dhe pesë rumunë që kishin mbërritur nga Londra me teste false PCR. Dy shtetas sirianë me certifikata të rreme aplikuan për azil.
“Lëvizshmëria ndërkufitare është një faktor i rëndësishëm në përhapjen e pandemisë. Prandaj kontrollet në aeroporte janë rritur dhe punonjësit e policisë kufitare janë vënë në dijeni të falsifikimit. Raporti i përkohshëm tregon efikasitetin dhe tërësinë e kontrolleve”, tha ministri i Brendshëm austriak, Karl Nehammer.
