SHKUP, 24 prill /ATSH-ANSA-MIA/ – Në Maqedoninë e Veriut qendrat e votimit u mbyllën në orën 19:00, ku qytetarët votuan për zgjedhjet presidenciale që nga ora 07:00.
Sipas parashikimeve të një dite më parë dhe sondazheve të fundit, asnjë nga shtatë kandidatët nuk do të marrë 50% plus një të votave në raundin e parë dhe një balotazh i planifikuar për më 8 maj do të jetë i nevojshëm së bashku me zgjedhjet parlamentare të cilat janë caktuar në të njëjtën ditë.
Favoritët për sfidën përfundimtare janë presidenti në largim Stevo Pendarovski, kandidat i Partisë Socialdemokrate (SDSM) në pushtet dhe Gordana Siljanovska Davkova, e mbështetur nga partia konservatore VMRO-DPMNE, forca kryesore opozitare.
Të dhënat e fundit të pjesëmarrjes, sipas agjencisë maqedonase të lajmeve, MIA, deri në orën 18:00, ishte 47,61% ose rreth 12% më shumë se zgjedhjet e mëparshme presidenciale në vitin 2019.
Po sipas MIA-s, rezultatet e para jozyrtare do të jepen rreth mesnatës./ a.jor.