Me golin e realizuar mbrëmë në çerekfinale kundër Holandës, Lionel Messi iu bashkua Gabriel Batistutës me shifrën e 10 golave, në krye të tabelës së golashënuesve të Albiceleste në kompeticionin më madhor në botën e futbollit.
Megjithatë ish-sulmuesi argjentinas, uroi në rrjetet e tij sociale Leo Messin. “E kam mbajtur këtë rekord për 20 vite. Është një kënaqësi e madhe ta ndaj këtë rekord me ju. Tani shpresoj me gjithë zemër që ta kapërceni në ndeshjen e radhës.” – u shpreh Gabriel Batistuta.
7 herë fituesi i Topit të Artë, ka mundësi për ta thyer përfundimisht këtë rekord. Sulmuesin e Psg e pret gjysmëfinalja përballë Kroacisë dhe ndoshta finalja e madhe në rast se fiton. Në rast se finalizon vetëm një gol ai shpallet golashënuesi më i mirë në historinë e Argjentinës në Botëror. /oversport.tv
Foto: FIFA World Cup, Twitter
