Sipas Correio da Manhã, mbrojtësi i Benfica-s, Nicolas Otamendi ishte viktimë e një grabitjeje të dhunshme në Lisbonë.
Kanë qenë momentet e tmerrshme që ka përjetuar Nicolas Otamendi gjatë mbrëmjes së së dielës.
Sipas asaj që raportohet nga Correio da Manhã, një nga gazetat më të njohura në Portugali, mbrojtësi i Benfica-s ishte viktimë e një grabitjeje të dhunshme.
E gjithë kjo ndodhi në Lisbonë, në kthimin e tij nga ndeshja jashtë fushe ku ekipi i tij po luante një ndeshje kampionati kundër Famalicão, kur katër keqberes e sulmuan dhe më pas e ndaluan duke i vendosur një rrip në qafë.
Më pas Otamendi u tërhoq zvarrë në dhomën ku ndodheshin bashkëshortja dhe djali i tij, të cilët padyshim u kapën nga paniku.
Sipas raportimeve, katër kriminelët vodhën para dhe orë para se të dilnin nga shtëpia.
Siç shtohet nga ‘O Jogo’, Gjyqësia e Policisë aktualisht po heton ngjarjen.