Falë golit të shënuar nga sulmuesi i Suedisë, Alexander Isak, Real Sociedadi ka marrë pikët e plota në Ligën e Evropës.
Spanjollët e Sociedadit fituan të enjten mbrëma në udhëtim te Sturm Grazi me rezultatin 1:0.
Isak shënoi në minutën e 69-të për pikët e plota në kuadër të Grupit B.
Sociedadi pas tri xhirove ka pesë pikë në vendin e dytë. Prinë Monaco që ka shtatë pikë.
Austriakët e Sturm Grazit janë në vendin e fundit pa pikë.
Te Sociedadi për 77 minuta luajti sulmuesi i krahut, Adnan Januzaj.
Në anën tjetër Lyoni ka mposhtur me përmbysje Sparta Prahën 3-4.
Vendasit kaluan në epërsi 2-0 falë dy golave të Lukas Haraslin, megjithatë Toko Ekambi me dy gola, dhe Houssem Aouar e Lukas Paqueta me nga një gol i dhuruan fitoren ekipit francez.
Këto janë rezultatet e të gjitha ndeshjeve që u luajtën nga ora 21:00 në Ligën e Evropës.