Reali i Madridit fitoi 1-0 me Sevillan në “Santiago Bernabeu” dhe ruan diferencën prej tetë pikësh me Barcelonën, kur kanë mbetur edhe 12 ndeshje deri në përfundim të kampionatit.
Nuk ishte e lehtë për “Los Blancos” për të çarë mbrojtjen e Sevillas, që rezistoi deri 10 minuta para përfundimit të kohës së rregullt, kur u shfaq Luka Modric me klasin e një futbollisti të jashtëzakonshëm.
Dhe të mendosh se kroati kishte vetëm pesë minuta në fushë.
Reali në fakt e nisi me gol ndeshjen, por sistemi VAR e anuloi finalizimin e Lucas Vasques, për ndërhyrje të gabuar të Nachos në ndërtimin e aksionit.
Valverde goditi shtyllën në fillim të pjesës së dytë, me Realin që krijoi raste të tjera të pastra derisa erdhi goli fantastik i 38-vjeçarit Modric.
Rastet pikante:
Nis me polemika ndeshja mes Realit të Madridit dhe Sevillas në “Santiago Bernabeu”. “Los Blancos” kaluan në epërsi në minutën e 10-të me Lucas Vasquez, i asistuar me zgjuarsi nga Vinicius Junior, por pas ndërhyrjes së sistemit VAR goli u anulua për një ndërhyrje të gabuar të Nachos në ndërtimin e aksionit.
Kryesori i tregon kartonin e verdhë Ancelottit për protestë ndaj rishikimit të pamjeve në sistemin VAR.
Pas shumë përpjekjesh nga “Los Blancos”, vjen goli që zhbllokoi takimin në minutën e 81-të. Çfarë klasi nga Luka Modric! Mesfushori kroat pasi kontrollon me klas një top pranë vijës së 16-metrave, i krijon vetes hapësira për të goditur duke mposhtur portierin kundërshtar./ Super Sport
Top Channel
