Dy rastet e para pediatrike në SHBA të lisë së majmunit janë raportuar nga zyrtarët shëndetësorë ndërkohë që një shpërthim kombëtar vazhdon të zërë rrënjë.
Një pacient është një fëmijë i vogël në Kaliforni dhe tjetri është një foshnjë jo-rezidente në SHBA, e cila po “kalonte tranzit” nëpër zonën e Uashington DC.
Qendrat Amerikane për Kontrollin e Sëmundjeve (CDC) thanë se të dy fëmijët “po bëheshin mirë”, njofton BBC.
Fëmijët nën tetë vjeç janë në rrezik të lartë të lisë së majmunit kur ajo është e agravuar, tha agjencia.
Më shumë se 2,500 raste të virusit janë regjistruar në të gjithë vendin.
Shumica e rasteve janë zbuluar tek meshkujt homoseksualë dhe biseksualë në kontakte të shpeshta seksuale.
Por CDC tani është në dijeni për të paktën tetë raste në gratë cisgjinore, u tha agjencia gazetarëve të premten.
Lija e majmunit nuk konsiderohet thjesht një infeksion seksualisht i transmetueshëm (IST) – sëmundja transmetohet gjithashtu nga kontakti i ngushtë me një person të infektuar.
Virusi zakonisht shkakton skuqje të ngjashme me puçrrat, të cilat mund të jenë jashtëzakonisht të kruajtshme dhe të dhimbshme, që zhvillohen dhe përhapen në të gjithë trupin, si dhe komplikime të tjera.
Infeksioni zakonisht zhduket vetë te pacientët e rritur pa trajtim ose shtrimin në spital – por Organizata Botërore e Shëndetësisë (OBSH) ka paralajmëruar se fëmijët e vegjël kanë vdekur me ritme më të larta nga sëmundja.
Zyrtarët e OBSH-së janë takuar këtë javë për të përcaktuar nëse virusi duhet të shpallet një emergjencë e shëndetit publik, Shqetësim Ndërkombëtar, gjendja më e lartë e alarmit.
Ekziston gjithashtu shqetësimi në rritje në SHBA se përhapja e shpejtë e lisë së majmunëve mund ta bëjë atë të rrënjoset si herpesi ose gonorrea.
Rruga Press
