Lëvizja Besa sot ka reaguar në lidhje me ngjarje në M-NAV, ku kanë kërkuar që partia në pushtet BDI të marrë përgjegjësi.
“BDI nuk duhet deklarativisht të dënojë sulmin në M-NAV por duhet urgjentisht të përjashtojë Bekim Nezirin nga Partia.
Duhet urgjentisht të kërkojë shkarkimin e tij nga çdo pozitë në M-NAV! BDI nuk duhet të vazhdojë të luaj rolin e dyfytyrëshit por të veprojë. Distancoju nga Ramiz Merko e përqafohu me të nëpër evente, distancoju nga Bekim Neziri edhe puno për ta shpëtuar nga drejtësia, distancou nga Drini dhe pasurohu me Soravia”, thuhet në reagimin e Lëvizjes Besa./Telegrafi/
