Lazio ka hedhur pas krahëve humbjen në derbi ndaj Romës dhe është rikthyer te fitorja në javën 31 të Serie A. Ekipi i Sarrit mposhti në shtëpi Sassuolon me rezultatin e pastër 2-0 falë golave të Manuel Lazzari dhe Sergej Milinkovic-Savic.
Sassuolo e nisi takimin në sulm duke rrezikuar menjëherë portën e Thomas Strakoshës. Megjithatë, goditja e Traore u ndal nga rrjeta e jashtme, ndërsa në tentativën e dytë, Gianluca Scamaça u ndal nga gardiani kuqezi.
Sakaq, Lazzari zbriti me këmbë në tokë Sassuolon në minutën e 17-të. Mbrojtësi i djathtë rikuperoi një top në mesin e fushës dhe i vetëm shkoi deri në limitet e zonës ku më pas arriti edhe të çonte topin në fundin e rrjetës.
Sassuolo nuk u dorëzua, por vazhdoi të sulmonte, ndërsa pak minuta më vonë Davide Frattesin e ndali vetëm shtylla nga goli i baraspeshës. Ndërkohë që me rezultatin 1-0 u mbyll edhe pjesa e parë.
Lazio arriti të dyfishonte rezultatin në minutat e para të pjesës së dytë me anë të yllit të mesfushës, Sergej Milinkovic-Savic. Ky i fundit realizoi një gol me kokë, ndërsa pozicioni i tij fillimisht u duk i dyshimtë. Megjithatë, pas konsultimit me sistemin VAR gjithçka u konsiderua e rregullt.
Në minutat e mbetura, Lazio u përpoq të kontrollonte ndeshjen, por u ndëshkua në minutën e fundit. Ishte Traore ai që arriti të mposhte Strakohëshën duke vulosur edhe rezultatin final në 2-1.
Megjithatë, Lazio doli nga ky takim me tre pikët e kërkuara dhe ngjitet në kuotën e 52 pikëve. Kryeqytetasit ngjiten në vendin e pestë provizorisht duke lënë pas Romën dhe Atalantën. /oversport.tv
SERIE A – Java 31
Lazio – Sassuolo 2-1
Shënues: Lazzari 17’ , Milinkovic-Savic 51’ / Traore 90+4’
Foto: S.S. Lazio, Twitter