Kryeministri
i Kosovës, Albin Kurti, ka thënë se zgjedhja e kryeprokurorit të shtetit është
i rëndësishëm për Kosovën, derisa ka njoftuar se intervistimi i kandidatëve do
të bëhet sot.
Shefi
i Qeverisë ka thënë se qytetarët e Kosovës kanë nevojë për një kryeprokuror që
ka intergritet të lartë moral dhe profesional por edhe që është i guximshëm,
punëtor e energjik.
“Sot
zhvillohet intervistimi i kandidatëve për kryeprokuror të shtetit. Ky proces është tejet i rëndësishëm për
Republikën e Kosovës, për qytetarët dhe shtetin e së drejtës, prandaj ka
vëmendjen e të gjithëve. Kosova dhe qytetarët kanë nevojë që të zgjidhet një
kryeprokuror që ka intergritet të lartë moral dhe profesional por edhe që është
i guximshëm, punëtor e energjik”.
“Krimi i organizuar, korrupsioni i lartë dhe çdo lloj kriminaliteti duhen luftuar kudo e tërë kohën. Drejtësia nevojitet për dinjitetin dhe mirëqenien e qytetarit por edhe për sigurinë tonë shtetërore e kombëtare. Si kryeministër i vendit pres që ky proces të jetë i drejtë, transparent dhe meritor”, ka shkruar Kurti.
