Kryetari i LSDM-së Dimitar Kovaçevski, sot deklaroi se partia e tij do të del me kandidat të vetin për president në fund të muajit.
Ai deklaroi se “kandidati i tyre do të mbështetet nga partnerët e koalicionit”.
“LSDM do ta ketë kandidatin për president në fund të këtij muaji ose në fillim të muajit të ardhshëm. Kandidati presidencial që do të propozojmë do të mbështetet nga partnerët tanë të koalicionit. Sa kandidatë presidencialë do të ketë në vend varet nga partitë politike. Unë nuk do të ndërhyj nëse një parti politike do të kandidojë apo jo një kandidat presidencial, nëse një individ do të kandidojë”.
“Megjithatë, ne jemi një shoqëri demokratike dhe çdo kandidat, çdo parti politike ka të drejtë të kandidojë për çdo detyrë. Ajo që di është se kandidati ynë për president do të mbështetet nga partitë politike që kanë qenë me ne në koalicion, që janë me ne në koalicion dhe që do të jenë në zgjedhjet e ardhshme me ne në një koalicion, me të cilin tashmë po fillojmë bisedimet. Për ecurinë konkrete të zgjedhjeve”, tha Kovaçevski.
