Refuzon Real Madrid, prish marrëdhëniet me trajnerin e PSG
Tregu i transferimeve të Janarit mesa duket ka vetëm rëndësi mediatike për Kylian Mbappe. Sipas L’Equipe, superylli ka qenë prej kohësh i qartë se nuk do të largohet nga Paris Saint-Germain në Janar.
Ky është refuzimi i parë që merr Real Madrid. Los Blancos thuhet se i kishin dhënë Mbappe një afat deri në mes të Janarit, në të cilin ai duhet të vendosë për një transferim në Spanjë.
Nëse 25-vjeçari ka vendosur tashmë për të ardhmen e tij verën e ardhshme, klubi i Florentino Perez mbetet pa përgjigje. Më pas gjërat bëhen sërish vërtet emocionuese, në fund të fundit, kontrata e Mbappe skadon në fund të këtij sezoni.
Deri më tani nuk ka pasur shenja se ai do të vazhdojë sërish kontratën përtej Qershorit pasi nga ana tjetër situata nuk është e mirë në Paris, madje pritet të shpërthejë.
Trajneri Luis Enrique dhe Mbappe thuhet se nuk kanë marrëdhëniet më të mira dhe së fundmi, sulmuesi është ankuar se është vendosur në qendër të sulmit në vend të krahut që është pozicioni i tij i preferuar.
Tv Klan
