ATHINË, 27 qershor /ATSH-DPA/ – Një ditë pas zgjedhjeve parlamentare, Kyriakos Mitsotakis eshte betuar si kryeministër i Greqisë për një tjetër mandat në qeveri.
Një kthesë e shpejtë pritet të jetë tipike për fituesin konservator të zgjedhjeve, Mitsotakis dhe partinë e tij Demokracia e Re (ND), që prezanton sot kabinetin e tij.
Mitsotakis ka planifikuar të zbatojë menjëherë reformat në qeveri.
Sipas njoftimeve të medieve, do të ketë disa ndryshime në kabinetin e ri, pasi Giorgos Gerapetritis, një aleat i ngushtë i Mitsotakis, do të bëhet ministër i Jashtëm.
Posti ka një rëndësi të madhe në Greqi, jo vetëm për shkak të konflikteve me Turqinë fqinje që ndizen vazhdimisht por edhe më gjerë.
Ministri i Jashtëm në largim, Nikos Dendias, i cili u konsiderua popullor dhe i suksesshëm, pritet të bëhet ministër i Mbrojtjes, një tjetër post i rëndësishëm për shkak të nivelit të lartë të shpenzimeve të mbrojtjes të Greqisë.
Sfidat më të mëdha për qeverinë e re janë modernizimi i sistemit të rrënuar shëndetësor dhe sektori i vjetëruar i arsimit.
Për më tepër, Mitsotakis ka planifikuar të udhëheqë vendin ende me borxhe të mëdha në muajt e ardhshëm.
Renditja ndërkombëtare e vendit është përmirësuar kohët e fundit.
Rrjedhimi i shtetit dhe digjitalizimi i autoriteteve gjithashtu duhet të vazhdohet.
“Me 99,6% të votave të numëruara, ND-ja e Mitsotakis fitoi 40,6% të votave”, sipas shifrave zgjedhore të siguruara nga Ministria e Brendshme.
Me 158 vende parlamentare, kryeministri ka një shumicë absolute në parlamentin prej 300 vendesh, duke e bërë partinë e tij një nga partitë më të forta konservatore në Bashkimin Evropian.
Rivali më i fortë i Mitsotakis, partia e majtë SYRIZA e ish-kreut të qeverisë Alexis Tsipras, mori 17,8% dhe tani ka 48 vende në parlament.
Ky ishte rezultati më i keq për SYRIZA në 10 vjet.
Në mbrëmjen e zgjedhjeve, vetë Tsipras pranoi humbjen e thellë dhe premtoi se do të përballej me gjykimin e partisë së tij.
“Megjithatë, kjo nuk do të thotë domosdoshmërisht se ai është gati të japë dorëheqjen”, sipas medieve greke. //a.i/
